ارجعى يا مصر

[محمد اسماعيل]

ارجعى يا مصر
كلمات:محمد اسماعيل
*************
******​

ماشيه على سكة خطر مش عارفه هيا رايحه فين
نصرخ ننادى بأعلى صوت مصر ارجعى دولا العدا متربصين
وفين وفين لما ترد علينا وتقول انتو اصلا تبقوا مين
فقلنا نبعد حبتين
يمكن تحن لحضننا اترينا مقدرناش يومين
وهى بردو قلبها آسى ومش راضيه تلين
طب عايزه ايه00000000؟؟؟
لو دمنا000000 محنا ادناكى منه ياما لما كنا قريبين
او حبنا 000000دحنا الى دوبنا فغرامك قلبنا وشربنا من كاس الحنين
طب قولى انتى يمكن احنا مقصرين
ومتسكتيش كدا وارفعى راسك وردى بكلمتين
وله كدا يا طيبه يا حنينه طب محنا كنا كويسين
ايه غيرك خلاكى تنسى احنا مين
طيب نقولك احنا مين0000000؟؟
احنا الى وقت الشده نجرى عليكى زى الملهوفين
نصبح جحيم نصبح قنابل فى وجوه الغاصبين
موشى ديان ولا لويس ولا هولاكو ولا مين
نقول كمان00000000؟؟
احنا الى كنا فبور سعيد وفي سينا وفشط القنال مستنين
نلقى عدوك نكسره ونشيله فوق راسه طين
نقول كمان0000000000000؟؟
ولا كفايه احسن تقولى منانين
بس انتى ليه بتفضلى علينا الكلاب السعرنين
طب كانوا فين00000000000؟؟
قوليلنا انتى في يوم كفاحنا كانوا فين00؟
نقولك احنا كانوا فين
مستنيين الحرب لما تنتهى ويمصوا دم الشقيانين
ماهو انتى عارفه كل حاجه وعمله زى السكرانين
خلاص خلاص متزعليش أسفين يا ستى وغلطنين
بس اسمعى 00000000ايوه اسمعى
احنا صحيح ناس طيبين
فينا الى فينا وغلبانين
لكن ورب الكعبه وعلينا اليمين
لنرجعك من تانى مصر الى عرفناها سنين
**********************************
اسف جدا لأنى كتبت بالعاميه ولذلك لم اضعها فى غصن الادب والشعر واعتبروها من قبيل الهذيان​

 

[الرد الاول]

موضوع رائع

يا محمد اسماعيل

موضوعكم نال أعجابنا وشكرا لكم على الطرح

نأمل منكم المزيد

جزاكم الله خيرا



سعدنا بتواجدكم
لا تحرمونا من هذه المشاركات الجميلة
والمواضيع الهادفة

سبحانك اللهم وبحمدك أستغفرك وأتوب إليك


====================
ملحوظة : هذا رد آلي على الموضوع

 

[أيمن محمد بلبل]

رد: ارجعى يا مصر

ترجع منين يا أخ محمد
عمر إللي بيروح ما بيرجع ومصر مشيت في طريق مظلم لا نهاية له ..
وحتى لو ممكن ترجع مش قبل خمسين سنه
بشرط أن يتولى حكمها ملائكة ..
ولو أعطاني الله العمر وإلتقينا بعد خمسين سنه ممكن تتذكر كلامي هذا ..
البلد في حالة يندى لها الجبين ..
ربنا يرحمنا برحمته ....

 

[امال طه]

رد: ارجعى يا مصر

احنا صحيح ناس طيبين
فينا الى فينا وغلبانين
لكن ورب الكعبه وعلينا اليمين
لنرجعك من تانى مصر الى عرفناها سنين
**********************************
الف خسارة اتقول على هذا الجمال هذيان ----
مستحيل انا لم اقرأ كتاباتك غير الامس ------
ياله من قدر جميل
بارك الله فيك يا اديب العصر الحديث
كلمات الشكر والثناء لا تسعفنى
تأكد ان صمتى ابلغ من ردى على ابداعاتك الجميلة

 

[حسن فكري]

رد: ارجعى يا مصر

خلاص خلاص متزعليش أسفين يا ستى وغلطنين
بس اسمعى 00000000ايوه اسمعى
احنا صحيح ناس طيبين
فينا الى فينا وغلبانين
لكن ورب الكعبه وعلينا اليمين
لنرجعك من تانى مصر الى عرفناها سنين

الله عليك يا أستاذ محمد ............. وبكل بساطة تعبير من غير فسلفة ولا تحوير، والله العظيم بنحبها...............

 

[الـكــ محمد فاروق ــنـج]

رد: ارجعى يا مصر

لكي يا مصر السلامة

 

[حسام حسن القاضى]

رد: ارجعى يا مصر

نقول كمان00000000؟؟
احنا الى كنا فبور سعيد وفي سينا وفشط القنال مستنين
نلقى عدوك نكسره ونشيله فوق راسه طين
نقول كمان0000000000000؟؟
ولا كفايه احسن تقولى منانين
---------------------------------------------------------
الله عليك ياابو اسماعيل الله عليك
والله العظيم اشعر بعزة وفخر انى من ابناء بلدتك
وبإذن الله سيأتى اليوم الذى يشار عليك بالبنان انك الشاعر المبدع
اتمنى وقتها الا تنسانى فاوالله انى احبك فى الله حبا لا يدانيه حب

 

[الفاتح محمود]

رد: ارجعى يا مصر

راجعة باذن الله وبلاش احباط

 

[امال طه]

رد: ارجعى يا مصر

طب قولى انتى يمكن احنا مقصرين
ومتسكتيش كدا وارفعى راسك وردى بكلمتين
وله كدا يا طيبه يا حنينه طب محنا كنا كويسين
ايه غيرك خلاكى تنسى احنا مين
طيب نقولك احنا مين0000000؟؟
_____________________________________
اتمنى ان تسمع مناجاتك الجميلة الحبيبة مصر واهل مصر الطيبين
عسى ترق قلوبهم ويعودوا الى سابق عهدهم
وفقك الله ابنى الغالى وسامحنى لكثرة تعليقى على كتاباتك الرائعة
رجائى الا تمل منى
ورب الكعبة ما دفعنى للتعليق مرارا غير انى سعيدة بك وبنبوغك فى مجال الشعر و الادب
واتمنى ان تمدنى بمزيد من اشعارك الجميلة لانى شغوفة لقرائتها

 

[الجد]

رد: ارجعى يا مصر

بس انتى ليه بتفضلى علينا الكلاب السعرنين
طب كانوا فين00000000000؟؟

كان في الجحور متخفيين
والنهارده في الصفوف الاولى متقدمين
واخر فضيحه لهم بالانتخابات مزورين
----

شكرا للقلم الرائع

 

[حبر على الورق]

رد: ارجعى يا مصر

ومتسكتيش كدا وارفعى راسك وردى بكلمتين
وله كدا يا طيبه يا حنينه طب محنا كنا كويسين
ايه غيرك خلاكى تنسى احنا مين
طيب نقولك احنا مين0000000؟؟

 

[امال طه]

رد: ارجعى يا مصر

لكن ورب الكعبه وعلينا اليمين
لنرجعك من تانى مصر الى عرفناها سنين
**********************************
اشعار محمداسماعيل

 

[زائر]

رد: ارجعى يا مصر

تسلم ايدك اخونا الفاضل على ما كتبت
يسلم احساسك العالى وحنينك لمجد بلادك انا حقيقى اول مره احس انى تايهه ومش عارفه اكتب ايه وارد بايه بس الحقيقه القصيده بتاعتك بتفكرنى بقصيده قريتها للشاعر العاميه الرائع على سلامه
يعنى ممكن ميكونش نفس المعنى بس الاتنين بيدور على مصر اسمح لى ان اوردها هى لا تقل جمالا عن قصيدتك الرائعه سلمت يداك وللامام باذن الله
------------------------------

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر


ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها


مصر البنوتةالحلوة
اللي زي القمر
بقت عجوزة وشايبة
وبان عليها الكبر


خايف يوم أصحي..
وأفتح الشباك..
مالاقيش مصر

 

[حسام الطيب]

رد: ارجعى يا مصر

شكراً للاخ محمد على هذه الكلمات الجميله والاحساس المرهف ..
كما اتقدم بالشكر الجزيل للاخت عائشه على هذا الاستدراك الرائع ..
وجزاكم الله خيراً..

 

[امال طه]

رد: ارجعى يا مصر

احنا الى كنا فبور سعيد وفي سينا وفشط القنال مستنين
نلقى عدوك نكسره ونشيله فوق راسه طين

 

[امال طه]

رد: ارجعى يا مصر

احنا صحيح ناس طيبين
فينا الى فينا وغلبانين
لكن ورب الكعبه وعلينا اليمين
لنرجعك من تانى مصر الى عرفناها سنين
**********************************

 

[محمود الديدامونى]

رد: ارجعى يا مصر

جميل جدا أن أقرأ هنا لشاعر جميل / محمد إسماعيل
فما قرأته بالأمس
كان بالفصحى وكانت قصيدة متزنة لك يا محمد وجيدة وتقدم وجها صادقا لشاعر يدرك ماهية الشعر
واليوم أقرأ لك بالعامية
وهى ليست من قبيل الهذيان لكنها حالة يجب أن تكتب وقد كتبتها
سوف تستوى الحالات ... لتصبح مشروعا شعريا إذا كان لديك الطموح
لنك تملك الدوات وتملك الموهبة
لك التحية

 

[علي فكري السعيد]

رد: ارجعى يا مصر

اسف جدا لأنى كتبت بالعاميه ولذلك لم اضعها فى غصن الادب والشعر واعتبروها من قبيل الهذيان

هذيان ايه يا كبير ...... ما شاء الله عليك

ويا رب أدم على مصر الامن والامان وانعم على أهلها بالرخاء

اميـــــــــــــــــــــــــــــــــــــــــــــــــن