المصري هو اللي

[الـكــ محمد فاروق ــنـج]

المصـري هـوّ اللـي
________________________________________

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
________________________________________

المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
________________________________________
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
________________________________________
طيبة المصري مش ممكن تلاقي زيّها فى اي بلد تانية

:k012:

 

[الرد الموحد]

موضوع رائع

يا الكنج

موضوعكم نال أعجابنا وشكرا لكم على الطرح

نأمل منكم المزيد

جزاكم الله خيرا



سعدنا بتواجدكم
لا تحرمونا من هذه المشاركات الجميلة
والمواضيع الهادفة

سبحانك اللهم وبحمدك أستغفرك وأتوب إليك


====================
ملحوظة : هذا رد آلي على الموضوع

 

[محمد صدقى الابراشى]

رد: المصري هو اللي

أحسنت أيها الملك المُفدى

هو دا المصرى لما يكتب موضوع جميل كل الناس تقف معه وتشجعه

ولا ننسى أننا لا نتعصب لجنسيتنا أو أرضنا أو كوننا مصريين

لا فضل لمصرى أو عربى على أعجمى إلا بالتقوى

 

[الـكــ محمد فاروق ــنـج]

رد: المصري هو اللي

اشكرك يا محمد على المرور والكلام الرائع
ويا حبيبتي يا مصر