اسامة شوقى
Member
انا عباس 000واحد من الناس
الدنيا ملطشه معايا والزمن عليه داس
اهلى صرفوا عليه دم قلبهم
20سنه تعليم كان كل همهم
اتخرج؟ ولما اتخرجت زاد همهم
لما شفونى ع الرصيف
بابيع تين شوكى واناناس
الغربة خدتنى فى كعبها الداير
لففيتنى وراها مشيتنى ف دواير
فى ليبيا ضهرى انحنى من شيل الشكاير
وفى الاردن ايديا انبرت من مسكة الفاس
وفى السعودية لا مؤاخذة
حمار متعلق فى مدار
شغال ليل ونهار
باجمع هلله على هلله ودينار على دينار
قعدت سنتين اسدد الفيزا
واربعه بابنى فى الدار
وخمسه فى الشبكه والمهر
وكل ما اقرب الدهب يزيد وسعره بقى نار
لحد ما نص شعرى شاب والنص التانى طار
وبعد سنين غربه ومرار
اخدت اجازة جواز شهرين
وبعد ما وصلت بيومين
جالى واحد من البلد مش عارف طلعلى منين
شاب طيب وخدوم وقالى اسمه ادنين
قالى اكيد عايز تتجوز ودانى لستة اسماء
ورشحلى منها فلانه بنت فلان
قالى مش جميلة قوى 00بس حافظة القرآن
وبتصلى القيام 00وبتصوم الاتنين والخميس
و13 و14 و15 من كل شهر كمان
اصلها كانت زميلة اختى واحنا جيران من زمان
لا سمعنا عنهم حاجه واهلها ناس طيبين
ربنا يجعلها نصيبك قوووول آمين
واحنا بنقرا الفاتحة
قولت الشبكه 15
قال هو 20
قولت العفش من البلد
قال هو من دمياط
الموديلات كتير وهيكون فيه اختيارات
وفضل معايا ملازمنى
وتقريبا اختار الشبكه والعفش
وخلص كل الاجراءات
وبعد الفرح جيت ادبحلها القطة
دبحتلى هى خروف
اول يوم تعبانه ومن التانى عندها ظروف
وبعد السابع بيومين
عايزة تزور اهلها ام دماغ مهفوف
وكل يوم فى مشكلة
ايشى امك بقولها صباح الخير مردتشى
وصحيت النهاردة ماكنستشى
وعامله ع الفطار بيض دكاكين
وانا غير البيض البلدى ما باكلشى
يا ستى طفحتيه 00
انا متجوز بنت شرلوك هرمز
ولا بنت جوربا تشوف
بقالنا شهر 0لا شوفتك مسكتى مصحف ولا فرض ركعتيه
وانا لية كلام مع ابوكى
لا تنعدلى وتعيشى زى الناس
لا كل واحد فى سكه بالمعروف
وروحت اشكى لأبوها قالى رد على امها
هى مدلعاها ومخلياها زيها
انت بقالك شهر وبتشكى
امال انا اعمل ايه
اللى فى الهم من يوم ما اتجوزتها
واتصلت على ادنيين
قالى طلقها
هاحاول اجيب لك المؤخر
بدال ما على شغلك تتأخر
باقى فى تأشيرتك اسبوعين
ناويين يرفعه قضية
فى محكمة الاسرة اللى هتديها كل حاجه
سواء كان الحق عليك ولا عليها ولا علية
ولو رفعوا القضية مش هتعرف تسافر يا عنيه
وهتبقى خسرت الجلد والسقط
وعلى رأى المثل
حبيبك يبلعلك الزلط
وعدوك يتمنالك الغلط
وهى مش طيقاك وبتحبنى ومش عايزة تعيش معاك
آآآه000يا ولاد الكلب يا لبط
بقى انتوا الاتنين علية متفقين
هو فيه فى الدنيا كده بنى آدمين
شوروا عليه ياناس
افرغ فيهم عيارين
ولا اطلقها واسيبلهم عمرىو جرى السنين
ولا ما اطلقش واخسرشغلى و التأشيرة
ولا اموت من التفكير والحيرة
الدنيا ملطشه معايا والزمن عليه داس
اهلى صرفوا عليه دم قلبهم
20سنه تعليم كان كل همهم
اتخرج؟ ولما اتخرجت زاد همهم
لما شفونى ع الرصيف
بابيع تين شوكى واناناس
الغربة خدتنى فى كعبها الداير
لففيتنى وراها مشيتنى ف دواير
فى ليبيا ضهرى انحنى من شيل الشكاير
وفى الاردن ايديا انبرت من مسكة الفاس
وفى السعودية لا مؤاخذة
حمار متعلق فى مدار
شغال ليل ونهار
باجمع هلله على هلله ودينار على دينار
قعدت سنتين اسدد الفيزا
واربعه بابنى فى الدار
وخمسه فى الشبكه والمهر
وكل ما اقرب الدهب يزيد وسعره بقى نار
لحد ما نص شعرى شاب والنص التانى طار
وبعد سنين غربه ومرار
اخدت اجازة جواز شهرين
وبعد ما وصلت بيومين
جالى واحد من البلد مش عارف طلعلى منين
شاب طيب وخدوم وقالى اسمه ادنين
قالى اكيد عايز تتجوز ودانى لستة اسماء
ورشحلى منها فلانه بنت فلان
قالى مش جميلة قوى 00بس حافظة القرآن
وبتصلى القيام 00وبتصوم الاتنين والخميس
و13 و14 و15 من كل شهر كمان
اصلها كانت زميلة اختى واحنا جيران من زمان
لا سمعنا عنهم حاجه واهلها ناس طيبين
ربنا يجعلها نصيبك قوووول آمين
واحنا بنقرا الفاتحة
قولت الشبكه 15
قال هو 20
قولت العفش من البلد
قال هو من دمياط
الموديلات كتير وهيكون فيه اختيارات
وفضل معايا ملازمنى
وتقريبا اختار الشبكه والعفش
وخلص كل الاجراءات
وبعد الفرح جيت ادبحلها القطة
دبحتلى هى خروف
اول يوم تعبانه ومن التانى عندها ظروف
وبعد السابع بيومين
عايزة تزور اهلها ام دماغ مهفوف
وكل يوم فى مشكلة
ايشى امك بقولها صباح الخير مردتشى
وصحيت النهاردة ماكنستشى
وعامله ع الفطار بيض دكاكين
وانا غير البيض البلدى ما باكلشى
يا ستى طفحتيه 00
انا متجوز بنت شرلوك هرمز
ولا بنت جوربا تشوف
بقالنا شهر 0لا شوفتك مسكتى مصحف ولا فرض ركعتيه
وانا لية كلام مع ابوكى
لا تنعدلى وتعيشى زى الناس
لا كل واحد فى سكه بالمعروف
وروحت اشكى لأبوها قالى رد على امها
هى مدلعاها ومخلياها زيها
انت بقالك شهر وبتشكى
امال انا اعمل ايه
اللى فى الهم من يوم ما اتجوزتها
واتصلت على ادنيين
قالى طلقها
هاحاول اجيب لك المؤخر
بدال ما على شغلك تتأخر
باقى فى تأشيرتك اسبوعين
ناويين يرفعه قضية
فى محكمة الاسرة اللى هتديها كل حاجه
سواء كان الحق عليك ولا عليها ولا علية
ولو رفعوا القضية مش هتعرف تسافر يا عنيه
وهتبقى خسرت الجلد والسقط
وعلى رأى المثل
حبيبك يبلعلك الزلط
وعدوك يتمنالك الغلط
وهى مش طيقاك وبتحبنى ومش عايزة تعيش معاك
آآآه000يا ولاد الكلب يا لبط
بقى انتوا الاتنين علية متفقين
هو فيه فى الدنيا كده بنى آدمين
شوروا عليه ياناس
افرغ فيهم عيارين
ولا اطلقها واسيبلهم عمرىو جرى السنين
ولا ما اطلقش واخسرشغلى و التأشيرة
ولا اموت من التفكير والحيرة
