اسامة شوقى
Member
اناعطية شاب عادى من قرية مصرية
خلصت دبلوم وبعديه دخلت كلية
كلية تربية عشان استوظف
مش اركن فى طابور العواطلية
وسنه ورا سنه ورا سنه
وانا راكن خدى على ايديا
لحد ما سمعت ان فيه عقود فى الادارات التعليمية
قولت فرجت وجريت عشان اقدم
لا سألونى على تقدير ولا خبرات ولا حتى عن الشهادة الجامعية
وسألنى البيه انت ليه واقف مبلم
مين الكوسة بتاعتك اتكلم
رديت والله يا بيه لا اعرف كوسة ولا ملوخية
انت كما بتهزر طب ورينى عرض كتافك يا عنيه
رجعت مهموم باضرب كف بكف
والدموع فى عنية مداريه
وانا ماشى قابلنى صاحب
حاله من حالى متخرج من كلية تانية
قاعدنا على مصطبة نندب حالنا
ونتفرج ع الناس اللى راحة وجايه
وهب0000 شوفنا حاجه غير عادية
مش ده الواد صميدة ابن بهية
شامم ريحته ولا موبايله
ولا السبحة والجلبية البيضة المكوية
ولا الشبشب ابو صباع والساعة اللى بالدهب مطلية
الواد دة فين 000بيقولوا شغال ف السعودية
السعودية 00يبقى علينا وع الاستاذ عيد المدهبانى
راجل مضمون مسفر نص البلد
وبيحب المصلحة ومش انانى
00آبا آبا انا عايز اروح السعودية
لقيت عند المدهبانى فيزا عامل بوفية
قاللى سكتها سالكة00انقل كفاله او اشتغل بحرية
بس ادفع 23الف وميه
وانا اجيب منين 23الف وميه
يابا بيع الجاموسة والحمارين
وارهن للبنك القيراطين
واكل اخواتك منين
يابا كلها شهرين وابعتلك الفلوس رزم رزم
رزم رزم طب امشى من قدامى اصل اضرب امك بالجزم
المهم ابويا باع الجاموسة وحمار
وباع حب من الدار واستلف من الجيران وكمل من ناس اخيار
وقال نبعد عن البنك مش تبدأ بربا وفلوس عليها حوار
ووصلت السعودية واتصلت على صميدة ابن بهية
قال اركب وهاستناك عند دوار التفاحتين
وشال معايا شنطة 0 وقال بشويش
شوفلك مكان تنام فيه تحت الرجلين
الناس بتصحى من الفجر
والصبح هنرحب بيك مرتين
معرفشى من التعب ولا من الصدمة
انا نايم ولا صاحى ولا بين البنين
وع الحال ده فات شهر واتنين
وانزلت الشغل مع صميدة
بناول بنا او مليس او اتنين مبلطين
كنت باعمل فى الشهر1500
الكفيل اتصل عايز 300
والسكن والكهربا والغاز300
مواصلات300
واتصالات300
والاكل فى الحرم ميه ميه
وباصحى من الفجر ومن العشاء بغمض عنية
لو الشغل دا فى ارضى كان فدان الرز يجيب بدل الضريبه مية
بس اعمل ايه لسة 23000ما جيتش منهم ميه
وقولت اوفر من الميه
بدل ما اشتريها معدنية املاها من الكولدير ماهى برده متصفية
وفاتت سنة واتنين
وبدأ فى بطنى الام جوانية
وكل ما اقول اروح المستشفى
يقولولى لية هاضيع عليك اليومية
ويومية ورا يومية
وقعت ما سمعت غير لازم يسيب السعودية
يتعالج فى مصر احسن00ما يموت ف العملية0
اكمل الحكاية 00ولا خلاص
واضحة الحكاية لكل الناس
منك لله يالى ف بالى00
قاعد ف برجك العالى00عايز تشوف ابنك مكانك
تشوفه يارب مكانى
خلصت دبلوم وبعديه دخلت كلية
كلية تربية عشان استوظف
مش اركن فى طابور العواطلية
وسنه ورا سنه ورا سنه
وانا راكن خدى على ايديا
لحد ما سمعت ان فيه عقود فى الادارات التعليمية
قولت فرجت وجريت عشان اقدم
لا سألونى على تقدير ولا خبرات ولا حتى عن الشهادة الجامعية
وسألنى البيه انت ليه واقف مبلم
مين الكوسة بتاعتك اتكلم
رديت والله يا بيه لا اعرف كوسة ولا ملوخية
انت كما بتهزر طب ورينى عرض كتافك يا عنيه
رجعت مهموم باضرب كف بكف
والدموع فى عنية مداريه
وانا ماشى قابلنى صاحب
حاله من حالى متخرج من كلية تانية
قاعدنا على مصطبة نندب حالنا
ونتفرج ع الناس اللى راحة وجايه
وهب0000 شوفنا حاجه غير عادية
مش ده الواد صميدة ابن بهية
شامم ريحته ولا موبايله
ولا السبحة والجلبية البيضة المكوية
ولا الشبشب ابو صباع والساعة اللى بالدهب مطلية
الواد دة فين 000بيقولوا شغال ف السعودية
السعودية 00يبقى علينا وع الاستاذ عيد المدهبانى
راجل مضمون مسفر نص البلد
وبيحب المصلحة ومش انانى
00آبا آبا انا عايز اروح السعودية
لقيت عند المدهبانى فيزا عامل بوفية
قاللى سكتها سالكة00انقل كفاله او اشتغل بحرية
بس ادفع 23الف وميه
وانا اجيب منين 23الف وميه
يابا بيع الجاموسة والحمارين
وارهن للبنك القيراطين
واكل اخواتك منين
يابا كلها شهرين وابعتلك الفلوس رزم رزم
رزم رزم طب امشى من قدامى اصل اضرب امك بالجزم
المهم ابويا باع الجاموسة وحمار
وباع حب من الدار واستلف من الجيران وكمل من ناس اخيار
وقال نبعد عن البنك مش تبدأ بربا وفلوس عليها حوار
ووصلت السعودية واتصلت على صميدة ابن بهية
قال اركب وهاستناك عند دوار التفاحتين
وشال معايا شنطة 0 وقال بشويش
شوفلك مكان تنام فيه تحت الرجلين
الناس بتصحى من الفجر
والصبح هنرحب بيك مرتين
معرفشى من التعب ولا من الصدمة
انا نايم ولا صاحى ولا بين البنين
وع الحال ده فات شهر واتنين
وانزلت الشغل مع صميدة
بناول بنا او مليس او اتنين مبلطين
كنت باعمل فى الشهر1500
الكفيل اتصل عايز 300
والسكن والكهربا والغاز300
مواصلات300
واتصالات300
والاكل فى الحرم ميه ميه
وباصحى من الفجر ومن العشاء بغمض عنية
لو الشغل دا فى ارضى كان فدان الرز يجيب بدل الضريبه مية
بس اعمل ايه لسة 23000ما جيتش منهم ميه
وقولت اوفر من الميه
بدل ما اشتريها معدنية املاها من الكولدير ماهى برده متصفية
وفاتت سنة واتنين
وبدأ فى بطنى الام جوانية
وكل ما اقول اروح المستشفى
يقولولى لية هاضيع عليك اليومية
ويومية ورا يومية
وقعت ما سمعت غير لازم يسيب السعودية
يتعالج فى مصر احسن00ما يموت ف العملية0
اكمل الحكاية 00ولا خلاص
واضحة الحكاية لكل الناس
منك لله يالى ف بالى00
قاعد ف برجك العالى00عايز تشوف ابنك مكانك
تشوفه يارب مكانى
