دخلت امتحان part1 نظام جديد ودى التجربة

[CMA]

دخلت امتحان part1 نظام جديد ودى التجربة

طبعا هذا الموضوع منقول والتجربة لصاحبها​

السلام عليكم ورحمة الله وبركاته انا دخلت امتحان part 1 نظام جديد وحبيت انقل لكم تجربيتى لعلها تفيد الاعضاء ان شاء الله ​

أولا: بالنسبة لموضوع دخول الامتحان كان معايا جواز سفر دخلت على طول بدون ادنى مشكلة , مع الاعتبار انى سالتهم فى المركز على موضوع البدائل قالوا ان لابد من وجود جواز سفر او بطاقة شخصية + credit card بصورة ( بطاقة شخصية + رخصة قيادة مينفعش )


ثانيا : لما دخلت على الامتحان كان فى مفجأتين غير كويسين

1- ان الامتحان مش متقسم sections زى ايام النظام القديم يعنى كل الاسئلة دخلة فى بعض فمثلا اول سؤال كان فى internal control بعد كده سؤال فى budget بعد كده سؤال فى ال cost وهكذا وده ادى الى مشكلتين

* بيعملك تشتيت فى الامتحان لما تتنقل من قسم الى اخر
* ايام النظام القديم كان كل قسم الاسئلة فيه بتكون متدرجة من السهولة الى الصعوبة وده موضوع لاحظه كل اللى دخله امتحانات النظام القديم اما دلوقتى بسبب ان الاسئلة دخلة فى بعضها متعرفش السؤال الجاى اصعب ولا اسهل مع ملحوظة ان اللخبطة دى معرفش هل هتستمر على طول ام علشان احنا كنا اول ناس امتحنت وهتتعدل بعد كده

2- المشكلة الثانية ان زرار review اللى كان موجود فى الامتحانات السابقة وموجود فى برنامج جليم واللى بيسمحلك انك تشوف شاشة عرض بكل الاسئلة المحلولة والغير محلولة والمتعلم mark عليها الزرار ده معتش موجود وبيظهر فى الاخر خالص بعد الضغط على زرار next عند السؤال رقم 100
يعنى متعرفش تشوف عرض بكل الاسئلة الا فى اخر الامتحان خالص بعد ما توصل للسؤال 100 وده ادى الى علشان ترجع لسؤال معين ورا او حابب تطلع قدام تقعد تضغط على زرار next لما توصل


ثالثا : بالنسبة للمتحان نفسه
1- فى زرار جديد بيظهر لك الة حاسبة مع الاعتبار انك بتدخل بالالة الحاسبة بتعتك
2- الامتحان نفسه كان فى مستوى امتحان part 3 اللى انا امتحنته قبل كده يعنى صعب الصعوبة اللى متعود عليها اللى دخل امتحانات قبل كده مش صعوبة اسطورية يعنى
3- اسئلة retired الخاصة بى part 2 نظام قديم فى قمة الاهمية لانها جاء منها بالفعل حوالى 3 اسئلة وحتى لو مجاش منها حاجة بتعودك على مستوى صعوبة الامتحان


رابعا : بالنسبة بقى لجزء essay
1- لما تسيب الجزء الاول من الامتحان ( الاختيارى ) وتدخل على essay مينفعش ترجع للجزء الاول تانى
2- فى حرية تنقل بين اسئلة essay يعنى ممكن تضغط على زرار next وتتنقل للسؤال اللى بعده بدون ما تكون حليت السؤال الاول وترجع تانى للسؤال الاول
3- انا جالى حالتين essay , الحالة الاولى كانت كبيرة علشان كده كانت بتتكون من سؤالين
اما الحالة الثانية كانت اسئلتها صغيرة نسبيا علشان كده كانت بتتكون من 7 اسئلة , ومرة اخرى ممكن تتنقل بين 9 اسئلة ( 2+7 ) بحرية كاملة
4- اسئلة essay اللى فى كتاب IMA من ورا اسئلة مهمة جدا وبتعودك على اسئلة الامتحان وجاء منها بالفعل السؤال الخاص بى budget slack
5- اسئلة الامتحان بتختلف عن اسئلة IMA فى ان اسئلة الامتحان بتضم كذا موضوع مش موضوع واحد زى اسئلة IMA فمثلا الحالة الاولى فى الامتحان جابلى قائمة فيها بيانات وطلب اعداد flexible budget وطلب ايضا حساب variances وطلب التعليق على موقف خاص بى ethics اما اسئلة IMA بتسئل فى موضوع واحد
6- بالنسب لموضوع الكتابة برنامج الكتابة بسيط جدا وشبيه بالفعل ببرنامج notepad ويوجد فيه اربع ايقونات للاستخدام وهم cut , copy , paste, save + استخدام ازرار key board طبعا
7- فى التعليمات بينصح بعمل save ل الاجابة كل 5 دقائق وطبعا save نهائى بعد ما تخلص الاجابة
8- انصح بسماع presention اللى فى اول الامتحان علشان بيفهمك طريقة استخدام برنامج الكتابة
9- اكتب الاجابة تفصيليا متضمنة حتى العمليات الحسابية البسيطة وذلك لكى تزيد من درجاتك​

​

​

 

[CMA]

رد: دخلت امتحان part1 نظام جديد ودى التجربة

بالنسبة لسؤال essay من حيث الصعوبة كان كالاتى
1- بالنسبة للحالة الاولى اللى كانت بتتكون من سؤالين , السؤال الاول كان جايب قائمة وبيتطلب اعداد flexible budget كان بصراحة صعب جدا لدرجة انى سبيته للاخر وملحقتش ارجعله لانه كان طالب اعداد القائمة مع الاخذ فى الاعتبار حساب variance بطريقة انا مشتفهاش قبل كده , وكان فيها بيانات كتيره قوى
اما السؤال الثانى فى الحالة الاولى فكان موقف ethics واخوانا اللى ذاكرو اسئلة ethics فى نهاية كتاب ima يعرفوا انه سؤال مضمون لانك بتكتب القواعد وبعد كده بتعلق على الموقف تعليق بسيط والقواعد دى جمل ثابتة انت بتحفظها يعنى من الاخر سؤال مضمون
2- اما بالنسبة للحالة الثانية فكانت بتتكون من 7 اسئلة زى ما ذكرت وكانت معظمها إن مكنش كلها سهلة والحمد لله وكانت الاسئلة كالاتى
* سؤال فى حساب learning curve بطريقة cumulative وهو سؤال سهل جدا زى اللى فى الكتاب
* سؤال فى حساب عدد الساعات بفرض عدم وجود learning curve سهل جدا ( يعنى بتجمع وخلاص بدون ضرب فى النسب )*
*سؤال فى حساب variance الخاص بعدد الساعات المستخدمة بفرض عدم وجود learning curve ووجوده وده برضه بسيط بتطرح عدد الساعات فى الحالتين وتضرب فى تكلفة الساعة
* سؤال فى مسالب learning curve
* سؤال فى مسالب budget slack ( موجود فى كتاب ima من ورا )
والسؤالين الباقين بصراحة مش فاكرهم قوى بس كانوا معقولين برضه , وعموما متقلقش من موضوع الكتابه زى ما انا كنت قلقان لانها سهله لانك بتاخذ كلمات من اللى فى السؤال وتكمل اجابتك عليها
ملحوظة ( شاشة الكمبيوتر بتبق مقسومة نصين بالطول نص فيه السؤال ونص فيه شاشة البرنامج اللى انت هتدخل فيها اجابتك , عادة فى قطعة رئيسية فى اول السؤال بالاضافة الى وجود معلومات اضافية فى كل سؤال جديد زى اسئلة الكتاب )


3- اما بالنسبة للوقت يادوبك بيكفى زى اسئلة القسم الاول ولازم تجرى فى الحل لانه ضيق ونصيحة لو اتوفر وقت من القسم الاول رحله واستخدمه احسن فى القسم الثانى لانك متعرفش هيبقى فيه ايه​

 

[اسلام محمود]

رد: دخلت امتحان part1 نظام جديد ودى التجربة

بالتوفيق يا باشا وانشاء الله نــــاجح :26_208:

 

[هشام الجاحر]

رد: دخلت امتحان part1 نظام جديد ودى التجربة

جزاك الله خير وبالنجاح ان شاء الله

 

[عبدالحميد]

رد: دخلت امتحان part1 نظام جديد ودى التجربة

انا بذاكر من جليم هل هذا يكفي فقط للنجاح ارجو النصيحة وشكرا

 

[أحمد عبد المقصود]

رد: دخلت امتحان part1 نظام جديد ودى التجربة

انا دخلت امتحان النظام الجديد في 1 مايو2011 ومستني النتيجة ياريت بس مش عارف لما تفتح لك شاشة essay معني هذا انك جبت 50% من الامتحان ولا من الاختيارات

 

[هشام الجاحر]

رد: دخلت امتحان part1 نظام جديد ودى التجربة

السلام عليكم
على فكره بتاخد50% من درجة الامتحان كله مش الاختيارى وغالبا الى بيوصل لاسئلة المقال بيعدى ان شاء الله متقلقش وربنا هيكرمك
ادعيلى عندى امتحان فى6

 

[أحمد عبد المقصود]

رد: دخلت امتحان part1 نظام جديد ودى التجربة

اشكرك بس يا ريت تتأكد أن الـ 50% من اسئلة الامتحان كله مش الاختياري وبس وكمان عايز اعرف منك اسئلة essay عليها كام لاني واحتملات ان الواحد ينجح بعد فتح شاشة الـ essay

 

[هشام الجاحر]

رد: دخلت امتحان part1 نظام جديد ودى التجربة

السلام عليكم
هى الدرجة الى بتاخدها بتكون 50% من الامتحان لان عندى واحد نجح وكان جايب فى الاختيارى 360 درجة وده معناه ان لازم يجيب 50% من درجة الامتحان اما الessayفتقريبا عليها 125درجة من الامتحان والله اعلم لكن عموما لو انت وصلت للessay بتكون قطعت خطوه كبيره للنجاح ان شاء الله خاصة لو كنت حليت كويس فى الاختيبار
( لو سمحت ممكن تكلمنا شوية على الاختيارى كان جوه ازاى وايه جو الايام الاخيره قبل الامتحان معاك )

 

[أحمد عبد المقصود]

رد: دخلت امتحان part1 نظام جديد ودى التجربة

السلام عليكم

بالنسبة لجو الايام الاخيرة قبل الامتحان كانت سيئة بالنسبة لان الاسبوع اللي قبل الامتحان كان عندي العيال الصغيرين حصل لهم حالة تسمم من شرب حليب فاسد ووديتهم المستشفي في الخبر وخدو تنويم يومين وبعديها ابن عمي توفي في مصر وحجزت تذكرة في يوم الامتحان يعني الامتحان كان الساعة
الثامنة صباحا في الدمام والطيارة الساعة الثانية ظهرا طلعت من الامتحان بعد الساعة 12 والحمد لله لحقت الطيارة اما بالنسبة للامتحان نفسة انا شفته غريب شوية عن ائسلة جليم وهوك حتي اسئلة الريتايرد مع العلم اني وصلت في اسئلة جليم ل90% وكنت بذاكرفي الفترة الاخيرة اكتر من 7 ساعات ومركز قوي بس جيت في الامتحان الاحداث اللي حصلت لي اثرت علي تركيزي شوية والاسئلة الاختياري كان معظمها نظري وطويلة شوية والوقت بالنسبة لي غير كافي علي الاطلاق ومجاش غير سؤال اخياري واحد مر عليه قبل كدة وهو all of the following are advantages of activity based costing except وجايب عليه اربع اختيارات وهناك اسئلة كتير علي balance scorecard , roi, residual income
وجزء الموازنات جاب عليها 3 او اربع اسئلة اختياري والباقي اسئلة essay واحد نظري في budget process والثاني عملي وكمان جه سؤال essay الرقابة الداخلية مكون من 5 اسئلة

كنت بقولك انا قرات امبارح في موقع المعهد ان لكي تفتح شاشة الessay سوف تفتح اذا حصل الطالب علي 50% من الاسئلة الاخياري وده غير الكلام اللي انته قلته ياريت تتاكد مره تانية وخلي بالك الامتحان الجديد درجته 500 وليس 700

 

[هشام الجاحر]

رد: دخلت امتحان part1 نظام جديد ودى التجربة

السلام عليكم
هو انا الراجل الى كنت بتدرب معاه قال كده لكن ان شاء الله خير لان الراجل الى بقولك عليه جاله اتنين essay تقريبا حل واحده منهم بس بالنسبة لمعلومة درجة الامتحان بصراحه ان اول مره اسمعها منك وان شاء الله بالنجاح وربنا يعوضك عن تعبك وبالنجاح ان شاء اللا
انا عندى امتحان 21_6 انت ممكن تنصحنى اعمل ايه واذاكر ازاى لانى فعلا خايف لان ناس كتير بتتكلم على اساس انى هدخل الامتحان هلاقى اعجاز

 

[أبو علي المصري]

رد: دخلت امتحان part1 نظام جديد ودى التجربة

جزاكم الله ألف خير على هذه المعلومات القيمة والمفيدة

وبمشيئة الله من الناجحين

 

[عبد الملك]

رد: دخلت امتحان part1 نظام جديد ودى التجربة

مشكورررررررررر وجزاك الله كل خير

 

[أحمد عبد المقصود]

رد: دخلت امتحان part1 نظام جديد ودى التجربة

انشاء الله ربنا حيكرمك يوم 21/6 عايزك اي سؤال تحله تكون فاهمه مش حافظه لانه للاسف مع تكرار الاسئلة الواحد بيحفظها وده مصيبة كبري لانه مفيش اي سؤال حيجي منها في الامتحان يمكن اسئلة الريتايرد بعضها قريب من الامتحان حاول تفهمها كويس وكمان عامل الوقت مهم جدا لانك سوف تواجه مواقف جديده عليك في الامتحان حتاخذ وقت منك في الامتحان حاول في الامتحان السؤال اللي حياخذ منك وقت او متعرفش اجابته اعمل عليه مارك وعايز اقولك بالنسبة لي اسئلة essay كانت اسهل من الاختياري بس زي ماقلت لك عامل الوقت فيه ناس كتير عارف تجاوب صح علي الاسئلة ومتاخدش بالها من الوقت وتفاجا في الامتحان انها حلت 75 سؤال والوقت انتهي عليها فخلي بالك من الوقت وذاكر النظري كويس وافهمه لان معظم الاسئلة نظري وركز علي joint cost, return on investment, residual income, balance scorecard وعايزك تعرف انه اولا واخيرا التوفيق من عند الله هو الاساس مهما ذاكرت وخذ الموضوع ببساطة وانشاء الله حتعدي وتنجح

 

[هشام الجاحر]

رد: دخلت امتحان part1 نظام جديد ودى التجربة

السلام عليكم
شكرا ليك على اهتمامك وربنا يكرمك بالنجاح ان شاء الله وتنجح
انا بحاول اذاكر واعمل الى عليا لكن هو من وجهة نظرك لازم اكون ملم ب100%من المنهج
المشكلة الى بتقلقنى ان اغلب الى بيتكلم بيقول ان الامتحان وهتلاقى دنيا تانيه فيه غير الى كنت بتحلها بس ان بس هو الامتحان الى بيتغير الاسلوب ولا الجوهر بتاع الاسئله وافضل طريقه انى احل بالترتيب ولا احل الاسئله النظرى الاول وبعدين العملى ومعلش هتقل عليك اسئله الessayكانت عباره عن ايه وجتلك ازاى واتعاملت معاها ازاى وهل فى ناس كانت بتمتحن معاك وكان رايها مختلف عن رايك
معلش يا ريت تجاوبنى لان فيه ناس بقت بتقلل من اهمية جليم وبتقول ركز على الimaوسئلة الريتايرد
ولك جزيل الشكر

:a03:

 

[ميمو ميمو]

رد: دخلت امتحان part1 نظام جديد ودى التجربة

ربنا يوفقك
سؤالين فقط 1- الدخول هل تكفى الإقامة لدخول الإمتحان ام لابد جواز سفر وانا ليس عندى Visa Card
2- السؤالين المقاليين بيكون زمن الساعة الواحدة مفتوح لهما جميعا ام لابد من اكمال السؤال الأول ثم الدخول فى الثانى ولكل واحد نصف ساعة
وجزاك الله خيرا

 

[أبو أنس]

رد: دخلت امتحان part1 نظام جديد ودى التجربة

جزاكم الله خيرا
وفي انتظاركم لتبشرونا بنجاحكم

 

[احمد علوش]

رد: دخلت امتحان part1 نظام جديد ودى التجربة

السلام عليكم ..... ياريت يا جماعة حد يعرفنى يعنى أيه أسئلة الريتايرد ؟