عايش من زمان ومش واخد بالى

[ابو لميس]

مش واخد بالى

النهارده ماعرفش مالى..
فجأة اكتشفت
إنى مش واخد بالى..
سنين بتجر ف سنين
حلوة العيال ف البيت
بس العيال عايزين..
كان نفسى
أحوش شوية أصحاب طيبين..
ماعرفش ليه كل شىء بيقل..
وليه بقيت بسرعة بزهق وامل..
سبت الشغل قبل المعاد
روحت عملت خمس شهادات ميلاد
م الجداد..
ليا ولمراتى وللولاد
وبدل فاقد للرقم القومى..
فى السكة اتخبط ف عمتى
حكينا وراغينا
وقرينا الفاتحة لأبويا وأمى..
وبالمرة حلقت
حلوة الحلاقة..
حاسس كأنى كنت ف خناقة..
وانضربت بجد..
عارفة
أنا نفسى أحضن حد..
هى الدنيا برد..
ولا أنا اللى مش واخد بالى

 

[الرد الاول]

موضوع رائع

يا ابو لميس

موضوعك نال أعجابنا وشكرا لك على الطرح

نأمل منك المزيد

جزاك الله خيرا

سبحانك اللهم وبحمدك أستغفرك وأتوب إليك


====================
ملحوظة : هذا رد آلي على الموضوع