اسامة شوقى
Member
اوقات؛ والواحد غرقان فى الشغل00ارقام فواتير حسابات
دماغ الواحد بتسرح وتقلب فى حاجات ومحتاجات
والخيال بيسبح فى بحر الذكريات
اقربها 00النهاردة
قاعد فى الشغل فى مكتب متعدد الجنسيات
الهدوء والصمت والسكون دايما للمكان سمات
مفيش غير صوت مديرنا ابو وش كالح
كلمتكم عنه الدور اللى فات
ونبرة صوته العريضة بتكسر السكات
وهو بيطلب من ده حاجة ومن ده حاجة
ومنى انا ابن الهرمة ويطلب حاجات
وفجأة قال انا هأغيب ساعتين 3 ساعات
انا فيه روح بنك في مشكلات فى الشيكات
الكل رد فى نفس واحد 00اوكى سير
وف سرهم00الهى تتقلب بيك السيارة
تلات اربع قلبات00
ولسه يادوب ع الباب
اتقلب المكتب لقاعدة احباب
اخباركم ايه وازيكم وعاملين ايه
تشربوا شاى قهوة ولا نجيب سندوتشات
وكلمة من ده وكلمة من ده
تحولنا لقاعدة مصاطب
ونسينا المراتب وبضاعة المراكب وشحن السيارات
وقال صاحبنا السودانى00كل سنة وانتم طيبين
كلها كام يوم ونيجى صايمين
رد اللبنانى 0
ربنا يعييد علينا الايام بخير
احنا وجميع المسلمين
اللهم امين
آمين
كيف رمضان فى السودان 00يابوعدنان
والله يا اخوان رمضان فى السودان
مختلف عن بقية البلدان
وحكى وزاد وعاد
وبعديه اتكلم البنانى عن لبنان
والهندى عن الهند
والباكستانى عن باكستان
وكلهم اتكلموا عن الاكلات
اللى بتتقدم ف بلادهم فى رمضان كوجبات
جه عليه الدور احكى حكاية من الحكايات
وقالولى جيب من نهاية الثمانينات
كنت فى الوقت دة عندى 7,6, 8,سنوات
ورمضان وقتها كان بيجى ف الصيف
والجو كان مش لطيف00مواسم حصاد
وكمان كان مفسش تلاجات
قبل المغرب كنت باجرى واطير
على عم السيد ابوفرج اجيب كيس عصير
عصير عامل زى السكر الخشن والوانه كتير
ودايما يقولى00ليك ولا لحد اقول لحد
يقولى الدكان بتاعك يابن الامير
وبعدين اروح عند الجامع اجيب جرجير
وريحة طعمية الحاج عادل مالية المنخير
وصوت عبدالباسط احلى من تغريد العصافير
وبعد العشاء وصلاة التراويح
نجرى كلنا نسابق الريح
ونلعب السبع بلاطات والمسنى يا زميلى
واستغماية وصلح والعسكرى والحرامى الفصيح
وبعد كدة يتجمع كل خمسة ستة
من عيال الحتة
ونجمع حطب وعيدان سيسبان
ونعمل عشة رمضان
ونعلق فيها فوانيس شمع مش بطاريات
نورها بألوانها بتزهزه فى الحارات
وكل اللى يعدى علينا يبص
ونفضل فيها لاتنين ونص
لحد ما يجى عم احمد اشه
بنقرة طبلته على واحدة ونص
وتانى يوم نشم ريحة الكنافة اليدوى
اصل جنبنا فرن خالتى عظيمة البلدى
كنا نعملها عندها بعد الفطار
وسطة بقى ما الدار جنب الدار
وناكلها سخنة طعمها 00؟0يا وعدى
ويو م ورا يوم ايام الشهر الحميد تعدى
والناس تعمل الكحك ولبعضها تدى
واخر يوم فى شهر الصوم
اطلع فوق سطح الهوم
ومعايا ملح وارمى واقول
يا بركة رمضان خليكى خليكى ف الدار
يا بركة رمضان خلى خلى دارنا عمار
يا بركة رمضان خليكى خليكى على طول
وبصيت حوليا لقيتهم مبلمين
وكأنهم مش فاهمين
وقال واحد يا أخى وجعت دماغنا
لا عارفين اذا كان الدكان بتاعك ولا بتاعه ولا بتاعنا
ولسة هأرد ع الكلام
سمعت ابوش كالح ورايا بيقول
الله الله
لامم الموظفين وبتحكى فى افلام
طب مخصوم لك 6 ايام
دماغ الواحد بتسرح وتقلب فى حاجات ومحتاجات
والخيال بيسبح فى بحر الذكريات
اقربها 00النهاردة
قاعد فى الشغل فى مكتب متعدد الجنسيات
الهدوء والصمت والسكون دايما للمكان سمات
مفيش غير صوت مديرنا ابو وش كالح
كلمتكم عنه الدور اللى فات
ونبرة صوته العريضة بتكسر السكات
وهو بيطلب من ده حاجة ومن ده حاجة
ومنى انا ابن الهرمة ويطلب حاجات
وفجأة قال انا هأغيب ساعتين 3 ساعات
انا فيه روح بنك في مشكلات فى الشيكات
الكل رد فى نفس واحد 00اوكى سير
وف سرهم00الهى تتقلب بيك السيارة
تلات اربع قلبات00
ولسه يادوب ع الباب
اتقلب المكتب لقاعدة احباب
اخباركم ايه وازيكم وعاملين ايه
تشربوا شاى قهوة ولا نجيب سندوتشات
وكلمة من ده وكلمة من ده
تحولنا لقاعدة مصاطب
ونسينا المراتب وبضاعة المراكب وشحن السيارات
وقال صاحبنا السودانى00كل سنة وانتم طيبين
كلها كام يوم ونيجى صايمين
رد اللبنانى 0
ربنا يعييد علينا الايام بخير
احنا وجميع المسلمين
اللهم امين
آمين
كيف رمضان فى السودان 00يابوعدنان
والله يا اخوان رمضان فى السودان
مختلف عن بقية البلدان
وحكى وزاد وعاد
وبعديه اتكلم البنانى عن لبنان
والهندى عن الهند
والباكستانى عن باكستان
وكلهم اتكلموا عن الاكلات
اللى بتتقدم ف بلادهم فى رمضان كوجبات
جه عليه الدور احكى حكاية من الحكايات
وقالولى جيب من نهاية الثمانينات
كنت فى الوقت دة عندى 7,6, 8,سنوات
ورمضان وقتها كان بيجى ف الصيف
والجو كان مش لطيف00مواسم حصاد
وكمان كان مفسش تلاجات
قبل المغرب كنت باجرى واطير
على عم السيد ابوفرج اجيب كيس عصير
عصير عامل زى السكر الخشن والوانه كتير
ودايما يقولى00ليك ولا لحد اقول لحد
يقولى الدكان بتاعك يابن الامير
وبعدين اروح عند الجامع اجيب جرجير
وريحة طعمية الحاج عادل مالية المنخير
وصوت عبدالباسط احلى من تغريد العصافير
وبعد العشاء وصلاة التراويح
نجرى كلنا نسابق الريح
ونلعب السبع بلاطات والمسنى يا زميلى
واستغماية وصلح والعسكرى والحرامى الفصيح
وبعد كدة يتجمع كل خمسة ستة
من عيال الحتة
ونجمع حطب وعيدان سيسبان
ونعمل عشة رمضان
ونعلق فيها فوانيس شمع مش بطاريات
نورها بألوانها بتزهزه فى الحارات
وكل اللى يعدى علينا يبص
ونفضل فيها لاتنين ونص
لحد ما يجى عم احمد اشه
بنقرة طبلته على واحدة ونص
وتانى يوم نشم ريحة الكنافة اليدوى
اصل جنبنا فرن خالتى عظيمة البلدى
كنا نعملها عندها بعد الفطار
وسطة بقى ما الدار جنب الدار
وناكلها سخنة طعمها 00؟0يا وعدى
ويو م ورا يوم ايام الشهر الحميد تعدى
والناس تعمل الكحك ولبعضها تدى
واخر يوم فى شهر الصوم
اطلع فوق سطح الهوم
ومعايا ملح وارمى واقول
يا بركة رمضان خليكى خليكى ف الدار
يا بركة رمضان خلى خلى دارنا عمار
يا بركة رمضان خليكى خليكى على طول
وبصيت حوليا لقيتهم مبلمين
وكأنهم مش فاهمين
وقال واحد يا أخى وجعت دماغنا
لا عارفين اذا كان الدكان بتاعك ولا بتاعه ولا بتاعنا
ولسة هأرد ع الكلام
سمعت ابوش كالح ورايا بيقول
الله الله
لامم الموظفين وبتحكى فى افلام
طب مخصوم لك 6 ايام