ملعون ابو الفلوس تمن الغربة

[ابو لميس]

الواد أبنى أبو لسان طويل
قالى
يعنى ياباباسافرت وأتغربت
مشوار طويل
وفى الآخر راجع
ف شارع متفرع من شارع
وشقة فى الدور الرابع
ودولار نازل طالع
وشوية حاجات
دكان مستنى التراخيص
ومكنسة على خلاط
وكمبيوتر مش نافع
من الآخر معرفتش تتصرف
مقدرتش تقول لاء
مش مسافر
منين الكحة دى يابابا
ده عمر ولا برد ولا سجاير
أنت عارف يابابا أنا بقالى أد أيه بستناك
إيه يابابا أنت ح تعيط
ده أنا كنت بهزر معاك

 

[الرد الالي]

موضوع رائع

يا ابو لميس

موضوعك نال أعجابنا وشكرا لك على الطرح

نأمل منك المزيد

جزاك الله خيرا

سبحانك اللهم وبحمدك أستغفرك وأتوب إليك


====================
ملحوظة : هذا رد آلي على الموضوع

 

[السعيد فتحي]

رد: ملعون ابو الفلوس تمن الغربة

مشكور علي الموضوع الرائع

 

[النخلة]

رد: ملعون ابو الفلوس تمن الغربة

تمن الغربة : المغترب بينسى عواطفه وسط كام هيكسب وعندما بجىء الى أهله بيشعر ان الجميع طمعنين فيه وانهم بيتعاملوا معه بشوق ولهفه مش علشان هو واحشهم لا علشان هو معه فلوس كام ويبتدى يتعامل معهم باسلوب هات وخذ للأسف هذه سياسه المغترب

 

[السيدمحمدعوض]

رد: ملعون ابو الفلوس تمن الغربة

مشكووووووووووووور ابو لميس اكيد انت بقه كدة اعرفتنى صح انا عاوز اعرفك انت كمان انت مين ياباشا انت أخوة احمد ابو متولى صحبى ولا ايه بالظبط او مشكوووووووووووووور

 

[ابو لميس]

رد: ملعون ابو الفلوس تمن الغربة

شكررررررا لمروركم جميعا

ايوة يا سيد انا اخو احمد ابو متولى
وكنت بحسبك من صورتك اخو حسام العفش الولد الصغير اسمة محمد يشبهك كتير
واد محترم بجد
وبقول للنخلة مش كل المغتربين كدة
فيهم اللى فلوسة بتكتر وبيزيد بخلة
وفيهم اللى بيتكبر
وفيهم اللى بيروح زى ما بيرجع مهما زادت فلوسة
ورصيدة فى البنك
وفيهم اللى بيرجع من غير فلوس وبرضوا بيتكبر

 

[هنادي]

رد: ملعون ابو الفلوس تمن الغربة

مشكور علي موضوعك الرائع وفعلا الانسان بيدفع للغربة تمن غالي قوي وكفاية انة بيخسر صحتة وكمان بيرجع من غير فلوس وعشان كدة ملعونة الغربة المهم الصحة وربنا يديم عليك الصحة امين