بسم الله الرحمن الرحيم
نصائح شخص عن خبرة و تجربة مع الـCMA
الملاحظات العامة عن الشهادة و طريقة المذاكرة و الاعداد للامتحانات .
1. اوعي تسمع كلام اي واحد يقولك ال CMA دي حلم و صعبة جدا و ده فلان دخل و سقط و ده فلان عاد الإمتحان 4 مرات و سقط ...انسي الكلام ده كله و خلي عندك افكارك المستقلة و خليك طموح وواثق من نفسك.
2. لو حد قالك ان الانجليزي هوا المشكلة.. متسمعش كلامه, الانجليزي المستخدم في الكتب المعروفة عبارة عن مصطلحات و حتي لو الانجليزي بتاعك مش أوي مع الوقت هتلاقي نفسك بتحسن لغتك مع المذاكرة.( والله العظيم انا كان في واحد بيدرسلي عبقري و معاه CMA وCFM و بيحضر CIA , و مكنش بيعرف يتكلم انجليزي خالص بس كان فاهم كل المصطلحات و بقولكوا عبقري .
3. المذاكرة عامة لازم تكون من كتاب تاني غير جلايم , بمعني انك تذاكر مثلا من هوك او كتاب IMA Learning System و بعدين حل الاسئلة يكون من جلايم لان بصراحة جلايم مش كتاب يتذاكر منه , لكن هو متميز جدا في الاسئلة.
4. المذاكرة تكون حوالي من 3-4 ساعات في الايام العادية , و بعدين من 4-8 ساعات في ايام الاجازات , و قبل الامتحان باسبوعين انقطاع تام عن الحياة و مذاكرة ( طحن ) واخر 3 أيام مبتعملش اي حاجة غير انك تحل امتحانات كاملة علشان تتعود علي السرعة في الحل.
5. الوقت عامل مهم جدا في الامتحان وممكن واحد يكون داخل عارف كل حاجة و بعدين يسقط بسبب الوقت , و لذلك لازم تكون بتحل الاسئلة 3 او 4 مرات علشان لو قابلتك في الامتحان متضيعش وقتك وتفكر فيها ولكن تحلها علي طول و توفر وقت التفكيلر للاسئلة الجديدة عليك.
6. طبعا النظام الجديد بارتين ويفضل دخول بارت 1 ثم بارت 2 بالترتيب يكون أفضل .
و السلام عليكم و رحمة الله و بركاته
=== منقول ===
المرفقات
-
28.5 KB المشاهدات: 173