دارك مان
Member
داة مش كلامى داة واقع موجود فى اغلبية البيوت المصرية
هتقولى ازاى؟
اقوللك............ كتير من اللى اتجوزوا هى اول سنة عدت عليهم بامان
وبعديها جت العيال وابتدت تظهر المشاكل بين الزوجين وابتدى يظهر شرخ فى العلاقة بين الزوجين اللى نادرا ما بيدوروا على حل بطريقة عقلانية
هنقول تمر سنين واهوم عايشين مع بعض بس علشان العيال
وهو داة موضوعنا اللى هنتكلم عنه
ازاى؟
تيجى للاب وهو بيقول انا قرفان منها(اقصد الزوجة) بس اهو عايش معاها بس علشان خاطر العيال
وتيجى بردوة للزوجة تقوللك انا قرفانة منه(اقصد الزوج) وعايشه معاه علشان خاطر اربى العيال وسط ابوهوم
وهنا الاتنين نسيوا واقع مر
اية هو داه؟
ان العيال بتتربى فى جو مليان مشاكل واهانة للام وزعيق من الاب والعيال تايها بين الاتنين
طيب وبعدين؟
هنا العيال بتقع فى مشاكل خطيرة جدا
هى اية؟
مشاكل نفسية وعايشين فى جو فية تفكك اسرى بيخلى الابناء يحتاجوة الحنان ويدوروة علية من برة الاسرة
طيب واية كمان؟
بيخلى الابناء يعيشوة فى عزلة اجتماعية ويخلى عندوهم ميول عدوانية والانطواء........وغيرها كتير
طيب هى دى كدة تبقة اسرة؟
هى دى الحياة الكريمة اللى نتمناها للابناء؟