السعيد عبدة
Member
وانا ماشى لقيت هيصة و لمة
قلت اكيد الجمعية فيها لحمة
رحت ودخلت وسط الزحمة
و لقيت قال ايه ده موكب الريس
قلت انا مالى انا كدة كويس
و خدت بعضى ومشيت بعيد
ماهو طول ما انا بعيد هبقى سعيد
و لا حد يضربنى زى بتاع بورسعيد
رجعت وقولت اسأله سؤال
ونعرف ايه يكون الحال
فسألته ايه اخبار جمال
بص ليه من تحت لفوق وقال
تقصد الريس الجديد يا سعيد
قلت على عينى وراسى يا بيه
هو انا اقدر اعمل لكم ايه
وهو احنا هنلاقى احسن منه
ده عبقرى وسابق سنه
بس ممكن اسأل سؤال مش طويل
قال اسأل يا ابو دم تقيل
قلت ايه اخبار رغيف العيش
و فيه سمنه وزيت و لا مفيش
قال لى تعرف اكبر مجاعة
هتحصل بعد هذه الساعة
قلت طب ايه حال مصر فى المستقبل
قال بعد ستين سنة ابقى اسأل
قلت اسأل الريس جمال
قال وانا هسيبك يا سعيد
قمت ماشى فى الحال
وحمدت ربنا انى مشيت
و من بين ايديه عديت
بعد شوية اربعة مسكونى
و فى السجن ورمونى
و لولا انى صحيت من النوم
كان زمانى فى السجن معدوم
اخوكم سعيد عبدة
