عادات الجواز بس على مر العصوووووور في مصر

[خالدعبدالحليم]

عادات الجواز بس على مر العصوووووور في مصر

أعز أصحابي اليومين دول متبهدل أوي علشان الجواز و علشان العادات الفارغة اللي بنحب نعملها و بنحب نقلد بعض فيها
​

السطور الجاية دي هنشوف فيها عادات الجواز بس على مر العصوووووور في مصر

مصر الفرعونيه
بابا انا عايز اتجوز جارتنا حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان
هدية.. مبروك يا تاح

............ ......... .....

مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا

......... .......

مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى
خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم " ان جاءكم من ترضون
دينه وخلقه فزوجوه " .... قيموا الافراح

.........

مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا
......... ........

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
......... .........

مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك
وعربية وسوبر ماركو

بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........

مصر 2013
البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه
وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى
على الضيق كده وانا جيت اعزمك انت
ومامى

​

مش قادر أقول غير ربنا يوفقه و يوفق الكل
​

​

 

[الرد السريع]

موضوع رائع

يا خالدعبدالحليم

موضوعك نال أعجابنا وشكرا لك على الطرح

نأمل منك المزيد

جزاك الله خيرا

سبحانك اللهم وبحمدك أستغفرك وأتوب إليك


====================
ملحوظة : هذا رد آلي على الموضوع

 

[نجم النجوم]

رد: عادات الجواز بس على مر العصوووووور في مصر

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
......... .........

شكراااااااا ياخالد معلومات هامة جداااااااااااا نتعلم منها
وبعدين الحوار رسى على ايه فى الالفية الاخيرة ............. ربنا يستر ونعدى منها على خير

 

[امووله]

رد: عادات الجواز بس على مر العصوووووور في مصر

موضوع جميل جداااااا
شكرا على الاسلوب المتميز والبسيط

 

[خالدعبدالحليم]

رد: عادات الجواز بس على مر العصوووووور في مصر

جزاكم الله خير الجزاء علي مروركم الكريم
أنرتمونا باطلالتكم الكريمة علينا
وجعلكم الله ممن ينقشون في حياتنا بصمات بارزة


قال الفضيل بن عياض لقوم طلبوا منه أن يعظهم ..
عليكم بالقرآن .. عليكم بالسنة .. عليكم بالصلاة .. ويحكم !


هذا الزمن ليس بزمان حديث إنما هو زمان :.
.. .. .. .. ..
احفظ لسانك
وأخفِ مكانك
وعالج بالليل
وخذ ماتعرف
ودع ماتـنـكر
.. .. .. .. ..
( غَزَّة ) :.
لقد نَوَّه المنادى باسمى ..
أنا من الأنصار ..
وأنا أجيب ولو حبواً ..