عشان أنت مصرى

[محمد عبد العزيز]

عشان أنت مصرى​

من روائع الشاعر المصري ​

/ أحمد فؤاد نجم (الفاجومي ) ​

عشان أنت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
وأوعى تصدق كلام الأغانى
بتاع الحضارة وكانى ومانى
ده كله هجايص ما يدخل ودانى​

عشان أنت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
ما فيش ميه تشطف صابونة فى أيديك
وجسمك ملزق وريحتك عاديك
فتلبس وتنزل وفيك اللى فيك​

ورايح لشغلك حتحتاج مواصلة
أدى المترو واقف وكهربته فاصلة
وفى الميكروباص خناقة وحاصلة
أوتوبيس فرامله عايزالها وصلة
وتوك توك ده تايه ومحتاج لبوصلة​

بتوصل لشغلك بدم إتحرق
فى زحمه وكتمة وحر وعرق
رئيسك سايبلك كومة ورق
دة غير دمغة ضايعة وملف أتسرق
وفى كام مواطن عامل لك قلق
بيشكى تقول له روح إندعق
وعركة وهوجة وشاى اندلق
ومخك خلاص من الصداع إتفلق​

هترجع لبيتك ده لو كان فى بيت
هتوصل هتندم يا ريتك ما جيت
مراتك بتصرخ خلاص أستويت
عيالك بتطلب وهات كيت وكيت
تزعق تهاتى يا ناس إتهريت
ولا حد سامعك مهما هاتيت​

عشان أنت مصرى وده للأسف
فلازم تآسى تعيش تتقرف
وكل الأساسى فى حياتك ترف
فتنسى الكرامة وتنسى الشرف
وتسرق وتنصب أو تنحرف
ودمعك بيجرى وجرحك نزف​

مش أنت اللى مصرى ؟؟؟ جتك القرف​

 

[ايمن فاروق عرابي]

مشكوووووووووووووور بارك الله لك اخي الكريم

 

[خالد العزبي]

اللهم صل على محمد وعلى آله وصحبه أجمعين

اولاد مصر الله عليهم

 

[محمد عبد العزيز]

أشكركم أخواني على المرور الطيب .

 

[أم سلمة]

عشان أنت مصرى لازم تعانى

وتفقد كرامتك بكل المعانى

وبلاش الباقي من الكلمات . هل هذا هو حال مصر والمصريين .

الله المستعان ولا حول ولا قوة الا بالله ​

 

[حسن فكري]

مشكور أخي محمد
لكن عندي بصراحة اعتراض كبير على شخصية أحمد فؤاد نجم أنا سأترك لك الأمر لتعرفه بنفسك لأنه لا يستحق حتى الكلام عنه

 

[محمد عبد العزيز]

مشكورة اختي ام سلمه على مرورك الطيب . والشكر موصول لأخي أبو عمـر .