غزه تنادي مصر . ولا كان العشم يامه !!!
ولا كان العشم يامة
وهنت عليكى ترمينى؟؟؟!!!
ولا هزك ينام الدمع متشرخ على عينى ,
******
تشدك شهقتى البردانة من توبك
دنا المولود على توبك
وانا اللى حبلك السُرِّى مربيني
وهنت عليكى ترمينى
******
زلازل رعشتى خايفة
ووقفة تهــــــــــز من خوفها سباط الحب في نخلك
وعشمانة ف كفوف خضرا تنبت من عيدان اهلك
سنابل شوقها تحضنِّى تدفينى
وهنت عليكي ترميني؟؟؟!!!
جدورك يامَّة فى قلبى بتتقلع من الهزه واقول {يامصر انا غزة}
ولا كان العشم إنك تسدى ترعة الانفاس على زرعي وتنسيني
بدال ماعنيكى تسقيني
وهنت عليكي ترمينى؟؟؟!!!
جدورك يامَّة فى قلبى بتتقلع من الهزه.{واقول يامصرانا غزة}
, دنا المخلوق عشان وحدك تضمينى .....وهنت عليكي ترميني؟؟!!!
******
دنا لحمك وانا دمك وانا فرْحك وانا همِّك
وانا اللى رضعت من نيلك وانا اللى شبعت من ضمك .
وانا اللي عشت فى عنيكي مابين البسمة فى رمالك,
وبين الخضرة فى صدرك
وانا شطك وانا بحرك....... وانا طيرك وانا زهرك
وانا اللى باعصر الضلمة ف عيدان ليلك
واروح انشر على الدنيا كاسات فجرك
دنا عودك واناضهرك....... وانا خيلك وانا نهرك
وكانت ضحكة الابطال فى عين شمسك
الاغيها تلاغينى
وكانت تفهم الكلمة اللى مكنونة ف محار قلبى
وتقراها على جْبيني
وكات اللقمة تحلوّامّا تتقسم مابين أهلك ومابيني
وكنت اصرخ واقول يامصر انا (مصري)
ومعناها (فلسطينى)
وهنت عليكى ترمينى؟؟!!!
******
وطول عمر الحيطان شركة مابين دارك وبين دارى
ومن بين البلاد وحدك بفضفضلك بأسراري
وكان لمّا الخسيس يحرق غيطان التين,
ف قرآني,يمطَّر أزهرك فارس
يطفّى بعمّته نارى
وكان بيضم اطفالى دَفَى قلبه, وياخد م العدو طاري
ولا كان العشم يامّه تمدّى للخسيس ايدك
وتتفقوا على حصاري
وتبنى من عضام سينا
جدار فوق صدر أيتامي وتنسينا
ومين يامصر لو بعتي قضيتنا ؟؟؟يكون لينا
ومين يامصر لو بعتي قضيتنا؟؟؟
هيمسح دمعة الدنيا
على خد اليتيم غيرك...ويحمينى
وهنت عليكى ترمينى
******
نسيتى ان التاريخ شبك اديكى البيضا ف أديّه
ولمّا البحر كان عربى وكان الموج بيتعطرعلى رملك
ونستنّى بفراغ الصبر طلّة نسمة مصرية
ولمّا أبص فى عنيكى الاقيكى ملبيّة
ولمّا الندل يجرحني الاقيكى مداويّة
وهو الدم ياغالية صبح مية؟؟؟!!
بحط عنيكى ف عنيه واقول يامصر ايه نابك
ماانا المجروح وانا المدبوح وانا المشنوق
على اعتابك
وانا المتعلّم الترتيل فى كتاّبك
ولا كان العشم يامّه تسدّى ع الضنا بابك
وتدى للجبان فرصة, يصفى دم أحبابك
واقول يامصر ايه صابك
وواقفة ف ضهرى بالخنجر وبخلانة
بشربة مية تروينى ....وهنت عليكى ترميني
******
وعهد الله ماطمعانة لافى سلاحك ولا في الجيش
لكن ليه تبخلى حتى على عيالى بلقمة عيش
وليه بتآمنى للخاين
ماهو خانك 200 مرة وعشمانة انه ميخنكيش؟؟؟!!!
واعيطلك ومترديش؟؟؟!!!
وابعتلك قميص يوسف عشان تصحى ومبتصحيش
وعارفة ان الجبان هو اللى خان يوسف وغرق ضحكته الطاهرة
فى بير الذلّْ لكنك مصدقتيش
واديكِ بتسجنيه تانى, وهو اللى ف سنين الخوف ,
حمى قمحك وبيسامحك , ويتمنى الرضى ترضى ,ولابترضيش
وفايتانى كمان للديب,يفرق ع الكلاب لحمى ,
يكب الرعب ف عنيه ,وبيقطع شرايينى ,
وبخلانه بدمعة من عيون العجز يا مّايه تواسيني
وهنت عليكي ترميني ؟؟؟!!!
******
نسيتى ان النبى موسى في يوم ماهج من ظلمك,سكن أرضي
وخضر جنة الايمان في بستانى
ومن ساعة ماشق البحريا صابرة وبحرك هو عنواني
الشاعر :ابراهيم العوضي
القيت في مؤتمر لا للجدار ... لا للحصار ..
ولا كان العشم يامة
وهنت عليكى ترمينى؟؟؟!!!
ولا هزك ينام الدمع متشرخ على عينى ,
******
تشدك شهقتى البردانة من توبك
دنا المولود على توبك
وانا اللى حبلك السُرِّى مربيني
وهنت عليكى ترمينى
******
زلازل رعشتى خايفة
ووقفة تهــــــــــز من خوفها سباط الحب في نخلك
وعشمانة ف كفوف خضرا تنبت من عيدان اهلك
سنابل شوقها تحضنِّى تدفينى
وهنت عليكي ترميني؟؟؟!!!
جدورك يامَّة فى قلبى بتتقلع من الهزه واقول {يامصر انا غزة}
ولا كان العشم إنك تسدى ترعة الانفاس على زرعي وتنسيني
بدال ماعنيكى تسقيني
وهنت عليكي ترمينى؟؟؟!!!
جدورك يامَّة فى قلبى بتتقلع من الهزه.{واقول يامصرانا غزة}
, دنا المخلوق عشان وحدك تضمينى .....وهنت عليكي ترميني؟؟!!!
******
دنا لحمك وانا دمك وانا فرْحك وانا همِّك
وانا اللى رضعت من نيلك وانا اللى شبعت من ضمك .
وانا اللي عشت فى عنيكي مابين البسمة فى رمالك,
وبين الخضرة فى صدرك
وانا شطك وانا بحرك....... وانا طيرك وانا زهرك
وانا اللى باعصر الضلمة ف عيدان ليلك
واروح انشر على الدنيا كاسات فجرك
دنا عودك واناضهرك....... وانا خيلك وانا نهرك
وكانت ضحكة الابطال فى عين شمسك
الاغيها تلاغينى
وكانت تفهم الكلمة اللى مكنونة ف محار قلبى
وتقراها على جْبيني
وكات اللقمة تحلوّامّا تتقسم مابين أهلك ومابيني
وكنت اصرخ واقول يامصر انا (مصري)
ومعناها (فلسطينى)
وهنت عليكى ترمينى؟؟!!!
******
وطول عمر الحيطان شركة مابين دارك وبين دارى
ومن بين البلاد وحدك بفضفضلك بأسراري
وكان لمّا الخسيس يحرق غيطان التين,
ف قرآني,يمطَّر أزهرك فارس
يطفّى بعمّته نارى
وكان بيضم اطفالى دَفَى قلبه, وياخد م العدو طاري
ولا كان العشم يامّه تمدّى للخسيس ايدك
وتتفقوا على حصاري
وتبنى من عضام سينا
جدار فوق صدر أيتامي وتنسينا
ومين يامصر لو بعتي قضيتنا ؟؟؟يكون لينا
ومين يامصر لو بعتي قضيتنا؟؟؟
هيمسح دمعة الدنيا
على خد اليتيم غيرك...ويحمينى
وهنت عليكى ترمينى
******
نسيتى ان التاريخ شبك اديكى البيضا ف أديّه
ولمّا البحر كان عربى وكان الموج بيتعطرعلى رملك
ونستنّى بفراغ الصبر طلّة نسمة مصرية
ولمّا أبص فى عنيكى الاقيكى ملبيّة
ولمّا الندل يجرحني الاقيكى مداويّة
وهو الدم ياغالية صبح مية؟؟؟!!
بحط عنيكى ف عنيه واقول يامصر ايه نابك
ماانا المجروح وانا المدبوح وانا المشنوق
على اعتابك
وانا المتعلّم الترتيل فى كتاّبك
ولا كان العشم يامّه تسدّى ع الضنا بابك
وتدى للجبان فرصة, يصفى دم أحبابك
واقول يامصر ايه صابك
وواقفة ف ضهرى بالخنجر وبخلانة
بشربة مية تروينى ....وهنت عليكى ترميني
******
وعهد الله ماطمعانة لافى سلاحك ولا في الجيش
لكن ليه تبخلى حتى على عيالى بلقمة عيش
وليه بتآمنى للخاين
ماهو خانك 200 مرة وعشمانة انه ميخنكيش؟؟؟!!!
واعيطلك ومترديش؟؟؟!!!
وابعتلك قميص يوسف عشان تصحى ومبتصحيش
وعارفة ان الجبان هو اللى خان يوسف وغرق ضحكته الطاهرة
فى بير الذلّْ لكنك مصدقتيش
واديكِ بتسجنيه تانى, وهو اللى ف سنين الخوف ,
حمى قمحك وبيسامحك , ويتمنى الرضى ترضى ,ولابترضيش
وفايتانى كمان للديب,يفرق ع الكلاب لحمى ,
يكب الرعب ف عنيه ,وبيقطع شرايينى ,
وبخلانه بدمعة من عيون العجز يا مّايه تواسيني
وهنت عليكي ترميني ؟؟؟!!!
******
نسيتى ان النبى موسى في يوم ماهج من ظلمك,سكن أرضي
وخضر جنة الايمان في بستانى
ومن ساعة ماشق البحريا صابرة وبحرك هو عنواني
الشاعر :ابراهيم العوضي
القيت في مؤتمر لا للجدار ... لا للحصار ..