مساعدة من أخوانى المصريين فى كيفية الوصول الى مركز الإمتحان

[جمالوش]

أخوانى الأعزاء
أنا سودانى قادم الى القاهرة لأخذ إمتحان السى أم أيه فى يناير 2012 انشاءالله حيث لا يوجد مركز فى السودان و ذلك نسبة للحصار و العقوبات الأمريكية على السودان و كما هو مذكور فى خطاب ال prometric فإن العنوان لمركز الإمتحان كالتالى:
Cairo, Egypt
AMIDEAST
38 MOHI ELDIN ABO EL EZZ
DOKKI, GIZA

أرجو شاكرا مساعدتى فى الآتى:
1. هل هناك لوكاندة أو فندق رخيص قريب من المركز و كم يكلف؟
2. بعد اللوكاندة من المطار و كم يكلف التاكسى من المطار اليها؟ هل توجد مواصلات غير التاكسى؟
3. تكلفة الإعاشة و الإقامة فى القاهرة لمدة اسبوع؟
4. اي وصايا أو نصائح مرحب بها

وشكرا لكم للمساعدة

 

[جمالوش]

رد: مساعدة من أخوانى المصريين فى كيفية الوصول الى مركز الإمتحان

شكرا على المساعدة

 

[احمد علاء]

رد: مساعدة من أخوانى المصريين فى كيفية الوصول الى مركز الإمتحان

والله يا اخ جمالوش انا ساكن فى الصعيد ولو استطيع مساعدتك ما تأخرت
لكن على حد علمى ان المطار بعيد عن المركز وبعدين التاكسى فيه عداد يعنى متقلقش يعنى هتدفع قراءة العداد بما يرضى الله بس اهم حاجة يكون التاكسى لونه ابيض مش الاسود القديم
اما بالنسبة للفنادق اكيد الفنادق المجاورة للمركز غالية طبعا لكن انا اعرف ان فى الحسين فى فنادق اسعارها معقولة وبعدين ممكن تركب مشروع بجنيه او يوصلك لحد المركز
اما تكلفة المعيشة اليومية بالقاهرة فتتفاوت حسب طبيعة كل شخص يعنى ممكن تفطر فول وطعميه ب2 او 3 جنيه وتحبس بشاى ب1 او 2 جنيه ومواصلات من المركز الى الفندق والعكس قول 5 جنيه ( مشروع مش تاكس) اما الغذاء لو هتشبرق نفسك وتديها فراخ قول 15 جنيه حاجة تانى غير الفراخ ( كشرى مثلا) 5 جنيه والعشاء زى الفطار ولو تنام خفيف احسن وأوفر
وبعدين والله يا اخى انت لو فى الصعيد كنا عملنا معاك الواجب واكيد اخواننا فى القاهرة ميتاخروش عنك لكن ممكن يكونوا مشغولين بالاحداث الاخيرة كان الله فى عون شعبنا
وانا تحت امرك فى اى حاجة اخى الفاضل

 

[جمالوش]

رد: مساعدة من أخوانى المصريين فى كيفية الوصول الى مركز الإمتحان

أخى أحمد جزاك الله خيرا على اﻹهتمام و الرد وانا عارف المصريين عموما و أهلى الصعايدة خصوصا اصحاب واجب و أشكرك على الشعور الجميل والكلمات الحلوة وتكفينى هذه الكلمات وهي غير غريبة على أهل الصعيد ناس كرم و اصالة.
وربنا يجزيك كل خير