ميت ألف فرصة عشان أسيب مصر ...

[أيمن محمد بلبل]

ميت ألف فرصة عشان أسيب مصر ... ​

ولا عمري سبتها ​

علشان هي بلادي... إللي بجد بحبها ​

بحبها بكدبها وصدقها ​

بحب فيها أصالة وندالة أهلها ​

بحب فيها السهر ​

بحب زيفها وأصلها ​

بحب فيها طلعة الشمس... تنور وشها ​

بحب فيها القمر... طالع يغازل حسنها ​

بحب فيها المشي... على شط نيلها وبحرها ​

بحب فيها بناتها... راسمين ملامح شعبها ​

دي بنت مايصه... وحاطه ورده فـ شعرها ​

ودي بنت جد... ونازله جري لشغلها ​

هتلاقي فين بلد فيها الكنايس والجوامع... بتحضن بعضها ​

مسلم مسيحي... إخوات راضعين طيبة من صدرها ​

نبع الحنان... ويناموا حاضنين أرضها ​

هتلاقي فين تاني... بلد كل حاجه فيها تخليك تحبها ​

هتقولي ظالمه... هقولك برضو بحبها ​

هتقولي ضالمه... ما هو ده سواد شعرها ​

هتقولي زحمه... هقولك علشان بنعشق أرضها ​

هتقولي فيها فساد... هقولك ده من طيبة شعبها ​

جرب كده تسهر ولو وحدك على ضف نيلها... وحبها ​

جرب تشوف بنت حلوه مع شاب واقف جمبها بيحبها... ​

شايل في قلبه هموم الدنيا كلها... ​

وبرضو بيحبها جرب كده تاكل دره وترمس على شطها... ​

وتشوف وشوش الناس واضحك زيها ​

طب وانت ماشي لوحدك ووقعت في مشكله... ​

مش بتلاقي ألف واحد جمبك بيحلها...​

لا تعرفهم ولا يعرفوك بس جمعكم حبها​

أهي هي دي مصر... زاحمه ظالمه... ​

فاسده ضالمه... مش مهم... ​

ده كفايه خفت دمها... ​

هأفضل لمصر أقول وأعيد... ​

أنا أصلي عاشق أرضها... ​

 

[خالد العزبي]

رد: ميت ألف فرصة عشان أسيب مصر ...

[grade="ff0000 a0522d dc143c ff0000 ff1493"] كلمة حلوة وكلمتين … حلوة يا بلدي
غنوة حلوة وغنوتين … حلوة يا بلدي
أملي دايماً كان يا بلدي
إني أرجع لك يا بلدي
وأفضل دايماً جنبك على طول
ذكريات كل اللي فات … فاكرة يا بلدي؟
قلبي مليان بحكايات… فاكرة يا بلدي؟
أول حب كان .. في بلدي
مش ممكن أنساه يا بلدي
فين أيام زمان … قبل الوداع
كنا بنقول إن الفراق ده … مستحيل
وكل دمعة على الخدين .. كانت بتسيل
مليانة بأمل أن احنا نبقى موجودين
في بحر الحب … على الشطين
كلمة حلوة وكلمتين … حلوة يا بلدي
غنوة حلوة وغنوتين … حلوة يا بلدي
فين حبيب القلب يا بلدي !؟ … كان بعيد عني يا بلدي
وكل ما بغني … بفكر فيه
قول يا حبيبي انتا سايبني ورايح فين
أجمل لحن ده ح نغنيه… إحنا الاتنين
يا محلى كلمة بلدي ف غنوة بين سطرين
ياليل يا عين …. ياعين يا ليل … ياليلي يا ليلي ليلي
كلمة حلوة و كلمتين … حلوة يا بلدي
غنوة حلوة وغنوتين … قمري يا بلدي
أملي دايماً كان يا بلدي … إني أرجع لك يا بلدي
وأفضل دايماً جنبك على طول … وووه وووه ووووو …. قمري يا بلدي .. حلوة يا بلدي وووووووووه[/grade]​

 

[احمد سالم]

رد: ميت ألف فرصة عشان أسيب مصر ...

تحيا مصر وتحيا المصريين

تحيا مصر

 

[شاكر بسيونى]

رد: ميت ألف فرصة عشان أسيب مصر ...

الكلمات قد تكون في اوقات كثيره جارحه لظبط القفيه الشعريه وهذا خطأ كبير يجب ان تستعمل الشعر لتوضيح اهدفك وومقصدق لا ان يستعملك الشعر في تكوين القصيده